WESÝETLER
Çagakah aglamak utanç diýdiler Jahylkah aldamak utanç diýdiler Şeýdip endik etdik aglamazlyga Şeýdik endik etdik aglamazlyga Diýdiler köplükde gägirmek aýyp Diýdiler Köçede sygyrmak aýyp Diýdiler meýlisde geçmänkäň töre Hakyň barmy törüň özünden sora Ýene-de diýdiler ulalyp ýaşyň garaja gyl bilen basyrlar döşüň Döşüňe çykýança şol gyl diýdiler Günäňi geçerler ogul diýdiler Döşüňe çykansoň şol gyl diýdiler Döşüňe mynasyp bolgul diýdiler Diýdiler dünýede nämedir gyt zat Üç gezek diýdiler Ussat! Ussat! Ussat! Näçe gyt bolsada ussat diýdiler Çyn şägirt ondanam gyt zat diýdiler Öwrenip ilkinji harpy diýdiler Gomalar şägirdiň galpy diýdiler Galp şägirtden boluň hüşgär diýdiler Emerde emjegňi dişlär diýdiler Ýene-de diýdiler ulumy kiçä Öljegňi bilseňde ýalbarma kişä Diňe bir adama ýalbar diýdiler Oňunam adyna dilber diýdiler Aýyp däldir näzin çekmek diýdiler Näzden ýüzün sowan akmak diýdiler Ýene iki merde ýalbarmak bolar Diýdiler ene hem atadyr olar Ataňa ýalbarsaň galkynar ruhy Eneňe ýalbarsaň kemeler ahy KIm etse Şolara tagzym diýdiler Işi rowaç ýaşy uzyn diýdiler Ýene kän edepleň tutdular adyn Diýdiler gabanma özgäň şohradyn Gabanma zehiniň ezelligini Gabanma öz joraň gözelligini Gabanma öz äriň gerçekligini Gabanma öz gelniň alçaklygyny Ne näzlerin ne-de sözlerin gaban Birje oýnaklatsa gözlerin gaban Diýdiler erkekden belentdir aýal O näme üçin diýip berdiler sowal Jogabyn berdiler gutaryp ömrüň Ýagty jahan bilen hoşlaşsan bir gün Aýal är ojagyn saklar diýdiler söýgüňi müň kerem haklar diýdiler Çagalaryn iýdir geýdir diýdiler Şeýdip ýaş ömrüni köýdir diydiler Emma beýdip bilmez erkek diýdiler Bu babatda pesdir entek diýdiler Altmyşdan ýetmişden geçsede saly Gözlerin ýumdumy eziz aýaly Ýatdan çykyp wepa ygrar diýdiler Ikinjiň gözlegne ylgar diýdiler Diýdiler diýdiler diýdiler kän zat Kä birisi aňsat köpüsi kyn zat Aňsadyn hemmeler başar diýdiler Kynyn başarmakda iş bar diýdiler Kynam bolsa şudur wesýet diýdiler Diňe kyn zat Şol Mukaddes diýdiler
| |
Просмотров: 1681 | |