Men aglaýan öz günüme
Men dünýede pul bolsadym, Duş bolman ykbal düwnüne, Ýarardym barçaň göwnüne. Pul bolmadym, boldum adam, Goýmadylar öz günüme. Kän degdiler dek başyma, Gürzi degdi dik başyma, Daş atan bile dikleşe, Duş boldum müň bir darkaşa. Daş atandan asgyn bolup, Ejiz gelip, misgin bolup, Dalda istäp, arka gözläp, Ýöle çykdym bozlap, yzlap. Men aglaýan öz günüme, Sen sazak nämä aglaýaň? Seniň gussaň tüsse bolup, Gamym üste esse bolup, Syrygýar ýaş — gussa bolup. Men dünýäde gül bolsadym, Duş bolman gyýa garana, Ýarardym ýerden ýöräne. Kän bolardy gözün diken, Gül bolmadym, boldum tiken. Tiken urup awunanlar, Güle derek awy alanlar. Gahry artyp, artyp towy, Maňa sary akýan suwy — Dirilikden nyşan erşi Üzüp, sowdy çöle garşy, Aglaý gitdim köle garşy. Men aglaýan öz günüme, Gargy gamyş agyň nedir? Zaryn sesiň hanjar seniň, Ýüregime sanjar meniň. Men munda zemin bolsadym, Lal açan kimin bolsadym. Kändi äsgermän ätjekler, Depeläp mäjum etjekler. Ýerdim, ýöne egnim bardy, Döşüm , kebzäm, ernim bardy, Göz gulagym, burnum bardy. Nämähremler depelände, Synalarym a-gyr-ýar-dy. Agyryma etmän çydam, Men silkinip turup bir gün, Dag başyna urdum gadam. Men aglaýan öz günüme, Sen bulut namä aglaýaň? Bu gümmürdiň — dadyň nedir? Ýüz — gözüňe urýan barmy, Gözden çykan oduň nedir? Az gördüňmi gözýaşymy, Gözden gaçýan düwmäň name? Ýüzüm ýaşa ýuwmaň namä? Men aglaýan öz günüme, Tapa bilmän göwnüň göwnün. Ynjyk göwnüm, zelil göwnüm, Ýerde goýsam pos bolup dur, Göge çyksa ys bolup dur. …Guwdurama däli köňül, Dünýä saňa dost bolup dur — Sen sebäpli ýas bolup dur. Ýashanada sus bolup dur, Pes bolup dur, pes bolup dur.
| |
| Просмотров: 1327 | |
