Söýgi näme
Söýgi näme?" diýip soradym Taldan. Ol diýdi: "Söýgimi giderdim goldan, Örtenip, miwesiz galdym men, guzym. Indi miwäm ýok-da, Boýum bar uzyn". "Söýgi näme?" diýip soradym Hozdan. Ol diýdi: "Ýeňilip bir ajap gyzdan, Gabagym gotordy, çürüdi maňzym. Ondan beýlesinem Özüň bil, oglum!" "Söýgi näme?" diýdim bir gara Garga. Ol diýdi: "Sataşyp yşk diýen urga, Garalyp galdym men: bişirdi hazan. Edil pamyk ýaly Ak guşdum ozal"., "Söýgi näme?" diýip ýüzlendim Serçä. Ol diýdi: "Entedip gijeden gijä, Agrammy mysgala getirdi yşgym. Ozal dünýäde, men iň uly guşdum". "Söýgi näme?" diýdim zynjyrly Dälä. Pikirini bilmek aýyp zat däl-ä! Däli jogap berdi elhenç ses bilen: "Men, men, men… Ynha, Söýgi men!.." "Söýgi näme?" diýdim bir ajap Gyza. Ol iki elini uzadyp yza, Diýdi: "Söýgi meniň edebim, haýam. Ýogsam şol ýigide uçardym eýýäm!" "Söýgi näme?" diýdim Şahyra garap. Ol diýdi, çalaja kellesin yrap. Diýdi: "Soragy bar, jogap ýok, Yşka jogap bir başgadyr, Söýgä bir başga!" Kerim Gurbannepesow «Söýgi näme
| |
| Просмотров: 2319 | |
