Арқа аруы
Дер едім «бұл бір ұшқын», Ерінің үзген сырды. Көркемін үн-дыбыстың Маржан тіс сүзген сынды. Пәк күлкің мұзын ертіп, Аршыды көзден мұңды. Қылығың жүз елітіп, Сезбедім өз демімді. Туғандай тап қазір күн, Табылған сыңарсың сен! Аппағым, нәп-нәзігім, Періште шығарсың сен! Ынтықтым, сәл құптадың, Қалады шараң қандай?! Бал тілден балқып тәнім, Ғұмырлық нәр алғандай. От сезім үдеді ме, Артқандай шала құны?.. Орнықтың жүрегіме, Арқаның ақ аруы! Еркеғали
| |
| Просмотров: 830 | |
