Қоштасу
...Құлып салып түңғиық сезіміңе, Елең етпей ешкімнің лебізіне... Ышқынып кеп, құлаштап сыр-сандықты Лақтырдың ба Қоштасу теңізіне? ...Батып бара жатыр ма ана сандық? Біз жағада қол бұлғап қала салдық... Тұздалған тілім-тілім сүр жүрекке Әшекейлеп әдемі жара салдық... Теңіз-шал бұған қалай шыдап тұрды? Асау толқын жағаға бір-ақ ұрды!.. ...Шашылған сандық сыры сіңген ағаш Қалшылдап, дір-дір етіп жылап тұрды... Отқа күйген көбелек секілденіп, Не ұша алмай, қона алмай, екіленіп... ...Жәудіреп тұр қыларға қайран болмай Көзімізде телмірген жетім елік... Айсара
| |
| Просмотров: 644 | |
