Келмеске кетті сол бір шақ
Келмеске кетті сол бір шақ, Күтумен ғұмыр кештік біз. Жылдар да жылжып барады-ақ, Жетелеп алға белгісіз. Тагдырын осы жан досым Өкпеңді кімге айтарсың. Қона алмай кеткен жыл құсың, Оралмай қойса қайтерсің. Әйелдің жаны нәп- нәзік, Түсінбейтін ер кісі. Сезімдерді сезбейтін, Қатыгез оның болмысы. Топас па екен деп қалам, Айналам да қоршаған. Сезімтал етіп жаратқан, Болмысыма көп налам. Кейбіреуге оңай-ау, Сезімсіз ғұмыр, күн кешу. Мен үшін өмір сүргесін, Сыйласу, бірге үндесу. Өйткені- өмір бір өлең, Жазылмай қалған кеудемде. Өйткені- өмір бір белең Шыға алмай калган кей пенде. Гүлнәр Рақымжанқызы
| |
| Просмотров: 933 | |
