Стихи Aйгүл Сағымбайқызы
Ойланып мынау өмірге, Терең ойға батарсың. Тізбек өткен күндерге, Бір күні сынақ саларсың. *** Сүйем деген сөзіңді, Көп болды жаным айтпадың. Кешегі болған бақыттың, Ізін бүгін таппадым. *** Жауап күтіп өзіңнен, Таңды жалғыз атырдым. Салқын мынау көзіңнен, Маған сағым қадырдың. *** Кете бердің алыстап, Ізіңе бір қаратып. Жылап тұрған жүрегім, Сен деп жазар тіл қатып. -/-/-/-/- Толқыған мынау көңілді, Қайтіп бүгін басамын. Жүрегімнің бар сырын, Барып кімге ашамын. *** Азаппенен өмірім, Бүгін өтіп барады. Басқан мынау аяғым, Артқа қайтып тартады. *** Мөлтілдеп аққан көз жастан, Екі жанар шаршады. Өртеніп жатқан жүрегім, Мүлдем тыным таппады. -/-/-/-/- Өткен күнге өкінбе, Өзіңе берік болғайсың. Тағдырдың салған ісіне, Қайтсеңде енді шыдайсың. *** Шыдайсың, әрине жылайсың, Тоқтата алмай көз жасты. Алладан барып сұрайсың, Есіңе алып сол шақты. *** Жылама жаным, жылама, Жақсылық болар жолыңда. Әлі бақыт алдыңда, Бәрі Алланың қолында! -/-/-/-/- Қайран шіркін өмір-ай, Зырылдап, өтіп барасың. Көзді ашып жұмғандай, «Береке», «Бақыт» - қайдасың? *** Қайран шіркін заман-ай, Қалт-құлт еткен арман-ай. Жүректе жатқан зарымды, Қиналып тағы айта алмай. *** Түсінер мені барма екен, Жылаумен өткен түндер-ай? Өмірдің заңы сол ма екен, Жолдасым болды «Түн» мен «Ай»? -/-/-/-/- Ренжітіп алдым анамды, Өмірде болған панамды. Кешіре гөр деп жалындым, Күнәкәр болған балаңды. *** Анаңнан ерте айрылып, Жетімдік өтті басыңнан. Кетпеді бейнет ілесіп, Жалғыздық көрдің жасыңнан. *** Жетелеп мені жеткіздің, Түнгі ұйқыңды мың бөліп. Өміріңді жылауыңмен өткіздің, Бір өртеніп, бір сөніп. *** Кешіре гөр анашым, Кәрілік келер басыма. Тілегім өзің, бар шыным, Жүре бер мәңгі алдымда. -/-/-/-/- Бүгін қария жылады, Жастықты еске бір алып. Баласын сүйді, қорғады, Бір күндей, бәрін еске алып. *** Қалайша қарттар үйінде, Қалдым бүгін мен тозып? Жаутаңдап тосқан сезімге, Алып кетер деп, бір тосып. *** Тамағы да тоқ болса да, Жүрек тозып, ащиды. Кінә жоқ деп баламда, Тілек тілеп жасиды. *** Әй заман ай, заман ай, Жетім бала, қарттар ай. Болмасын дүрлік осындай, Кешіре гөр бізді бір Құдай. -/-/-/-/- Мейрімдік кетті жүректен, Көңілге қара дақ түсті. Панасыз қалған анамен, Бұл заман аса күресті. *** Қалмады сорлы ананың, Болмай басар тауы да. Кірмес мынау сананың, Билік болды жауында. *** Біреуі кетті мерт болып, Біреуі кетті дерт болып, Сонда бүгін кім болдық? Хайуаннан да кем болдық. -/-/-/-/- Мен анамын, бүгінгі, Дүрлікке ауырған жүрегім. Жиырмаға жеткен баламды, Жетелеп әлі келемін. *** Елімде бүгін баламдай, Жиырмаға жеткен жасында. Тәй-тәй басып болғандай, Жақсылық болар басында. *** Жерің, елің анаңдай, Сен үшін тілек тілейді. Егеменді сақта, бағаңдай, Сонда үміт оты сөнбейді. *** Сырттан келген дұшпандар, Өртеп, жансып кетеді. Ойлан ұрпақ, жыл сандар, Бірақ күнде сөнеді. *** Жылатпа туған еліңді, Аяла өзіңе керек жеріңді. Қай қазақ өзін өлтірген, Қай қазақ өзін өртеген. *** Біршілік болсын елімде, Тіршілік толсын жерімде. Дұшпаның қонбасын көңілге, Ұрпағым ие бол жеріңе. *** Ата-бабам қалдырған, Туған елім жерімді. Өсиетті сақтайық бар болған, Өшірме қазақ сенімді. -/-/-/-/- Қайда барады адамзат, Бір-бірімен таласып. Жағадан алып, ұрысып, Жүргені бүгін адасып. *** Жоқ болса бірін бере алмай, Бар болса тағы көре алмай. Дүрліксіз мүлдем жүре алмай, Бірліктің түбін таба алмай. *** Құлап жатса көтермей, Басып, жаншып өтеді. Ертең мүмкін өзіңнің, Бұл басыңа келеді. *** Қайда барады адамзат, Адасқан сайын адасып. Алланың берген өмірін, Неліктен жүрмес жарасып. -/-/-/-/- Арман қуған заман-ай, Ақшаң болса адамсың, Адамға адам дос болмай, Жоқ болсаң сорлы боларсың. *** Құдықты инемен қазғандай, Өткен күннің тізбегі. Не бар алда, о Құдай? Жақсыдан тостым бір белгі, *** Қайда барсаң бір талап. Қиналып жүрген қариялар, Көрген күні бір азап. Олардың ертеңі не болар? *** Ер азамат өсіріп, Қиналып жүрген аналар. Бейнетпен күнін өткізіп Олардың күні не болар? -/-/-/-/- Өмірде бар байлығым, Үш кішкентай құлыным. Тілейтінім сендерге, Ұзақ болсын ғұмырың. *** Өмірдегі арманым, Айтылмаған, жан сырым. Өздеріңде деп білем, Үш кішкентай, құлыным. *** Күнде жерге құлайсын, Кәмпит сұрап жылайсың. Еркелетіп іскесем, Маған өкпе құлғайсың. *** Өкпелеме құлыным, Өкпелеме боташым, Жасыл менің жапырағым, Нәзік менің бұтағым. *** Жан жолдасың мол болсын, Дұшпандарың аз болсын, Аспандарың ашық боп, «Қыдыр ата» қолдасын. -/-/-/-/- Түн жамылып келеді, Жұлдыздар жайнап. Үш, құлыныма ерекше, Тұрмын мен қарап. *** Сұрақ қойдың құлыным, Әкеміз қайда? Не айтайын жұлдызым, Мұндай жағдайда? *** Жыламашы құлыным, Әкеңді ойлап. Сен есейіп өскенше, Келер ол тойлап. *** Үш кішкентай, құлыным, Жасыл жапырағым. Гүлдене бер есейіп, Менің бұтағым. *** Бүгін көрсе сендерді, Әкең өкінер. Алыс жақта, жүріп ол, Мүмкін түсінер. -/-/-/-/- Қамшының бір сабындай, Қысқа мынау өмірде. Құлшылық жаса аянбай, Сақтап жүр соны көңілде. *** Ешкім әлі жетпеген, Байлықтың мынау түбіне. Алла, тәубе деп жүрген, Жақсылықтың жетер көзіне. *** Екі өмірдің мейрімі, Алладан деп білемін. Берекенің тұжырымы, Тәубеде деп келемін. *** Өмір сағаты зырылдап, Тоқтар ол да бір күні. Ұрпақ қалар бір жылап, Болар деп күннің бір жөні. -/-/-/-/- Бақыт нұр жауып, Өмір несібін, Сені іздеп «Арман» Бүгін келемін. *** Жүрек шіркін-ай, Кеудеме сыймас. Бар ма өмірде, Махаббат қимас? *** Қалайша жаным, Сені қиямын? Бұл өмірге мен, Қалай сыямын? -/-/-/-/- Аяулым, менің жан құтым, Жарқ еткен, таңғы жұлдызым. Неліктен, қолға қонбайсың, Көп күткен менің, бақ құсым. *** Басқа жанды аяладың, Жақтың ұя отын сен. Ұмытылмас дақты салдың, Қала бердім жылап мен. *** Берейін саған тілегімді, Не дермін енді, мен саған. Сүйген адам кешірімді, Хош бол енді, хош «Арман». -/-/-/-/- Бала кезді сағынып, Күнде еске аламын. Сары-Арқам деп табынып, Терең, ойға батамын. *** Жасыл, менің жайлауым, Көкше, сұлу, тауларым. Әндеткен жерім, сұңқарым, Мәди, Сәкен ұлдарың. *** Сәнді, сенің ұраның, Сары-Арқам, менің аяулым. Өсе берсін, ұрпағың, Саған бүгін, айтарым. -/-/-/-/- Жалғыз бәйтеректей, Жапырағы солған. Мен қала берермін, Хош бол, хош арман. *** Сен деп, менде, армандадым, Өмірде талай. Неге менің қиялым боп, Қалдың шіркін-ай? *** Екі көздің жасы, Мөлдір бұлақтай. Ағыл-тегіл ақты, Шіркін дүние ай. *** Болдың бақыт құсы, Басқа ұяның. Тілейтінім бақыт, Менің қиялым. -/-/-/-/- Ескек болса қолымда, Жүзіп мүмкін өтермін. Өмір өзен жолында, Бақытқа бір жетермін. *** Жалғыздық болды сыңарым, Көңілді жастан жинадым. Алладан сұрап қинадым, Адастым таппай, мұңардым. *** Түн болды, менің шынарым, Ай болды, менің сырласым. Өртеніп тұрды, жанарым, Жалғыздық, болды жолдасым. *** Қайтейін деп талпындым, Үміт отын өшірмей. Мұңымды артта қалдырдым, Үміт отын сөндірмей. *** Ескек болса қолымда, Жүзіп мүмкін өтермін. Өмір өзен жолында, Бақытқа бір жетермін. -/-/-/-/- Алматым деп, әндетіп, Түсірмейін еңсенді. Жетімсіреп қалды деп, Біреу айтса, кім сенді? *** Жасыл қалам, бақ қалам, Қанат бердің ұшырып. Әсем, сұлу кең қалам, Таққа талай қондырып. *** Өзіңнен туды жас қала, Бірақ одан не пайда. Ағашсыз қалды, жан қала, Мөлдір арық, ол қайда? *** Осылай күнде қала ма? Жылардай боп сырласам. Берік бол, енді, жасыма, Деп өзімді, жұбатам. *** Кешір бізді, жан қалам, Тілейтінім Алладан, Қасиетті, қоңыр кең далам! Өсіп, өн әлі, қайтадан. -/-/-/-/- Кіндігім кесілген жан қалам, Бақ тілеймін саған Астанам. Сары- Арқам, жусан кең далам, Анамнан кейін, сен анам. *** Қиындық өтті басыңнан, Әр ұлтпен бірге оңыңнан. Ән ұран таптық жолыңнан, Нәр алып талай суыңнан. *** Жас баладай қуандың, Қайта оралған нәсіпке. Өсіп – өнді ұрпағың, Жол сілтедің кәсіпке. *** Қайта оралды ұрпағың, Бақыт қонды басыңа. Жәйнәй берсін, сол тағың, Жас қосылсын, жасыңа. -/-/-/-/- Қайғы, мұңым, сыңарым Сені ойладым, мұңардым. Бір өзіңсің құмарым, Толықсыдың, жырладым. *** Қайран менің жүрегім, Сен едің менің сенерім. Барыңды сенің білемін, Бар бақыт саған тілегім. *** Бес күндік мынау өмірде, Басқаның шамын жақсаңда, Сыйластық болсын көңілде. Аман бол, жаным жалғанда. -/-/-/-/- Ағайын, жолдас, жорада, Сыйластық болмаса, не пайда? Бар болса шіркін көре алмай, Жоқ болса ешті бере алмай. *** Бір – бірін күндеп сол жағдай, Әрдайым сынақсыз жүре алмай. Той түгілі, жерлеуге, Дүрліксіз, мүлдем келе алмай. *** Көз тоймас, жалған өмірде, Байлықта қалар, бір күнде. Сыйластық, иман жүректе, Мәңгілік, сол бір тілекте. ----- Түсінбедім, шіркін ай, түсінбедім Тағдыр сезім, түсім бе, өңімбе едің Қу талқанын шығарып, бар сезімнің Мазақ қылып, сен мені, кете бердің *** Шыдай алмай, булықтым, көз жасыма Бар тілегім, оралсаң сен қасыма Бір тал гүлді ұстаттың, сен қолыма «Бөгет болма», деп зіркідің, «Сен жолыма» *** Осылайма еді мен тағдырдан сұрағаным Сен едің ғой, сенерім де, жалғыз бағым Кімге сенем, қайда барам, о «Жалғаным» Қалғаның ба, мәңгі болып, маған «Сағым» ----- Бұл өмірде шіркін ай, Кездеспесем өзіңе. Түсер ме едім ойланбай, Мен, ляззаттің ізіне. *** Бақыт деген, осы екен, Сұлу екен, бар әлем. Сол әлемде, шын екен, Махаббаттан мың сәлем. *** Шыр көбелек, айналдық, Махаббаттың вальсында. Мәңгілік, ағашын біз салдық, Болайық деп соның қасында.
| |
| Просмотров: 1817 | |
