Nozimaxonim (1870-1924)-She’rlari
Ko‘zi suzuk nigorim, So‘zi chuchuk nigorim, Boqmay qiyo o‘tarsan, Aybim nachuk, nigorim? Hajringda dardu g‘amdin Qaddim bukuk, nigorim. Hijroni otashingdin Bag‘rim kuyuk, nigorim. Nadur xurshidi tobon, Sensan buyuk, nigorim. Vah emdi bitti toqat, Men bir o‘luk, nigorim. Ko‘ksimga boq alamdan Choki cho‘kuk, nigorim. Rahm ayla Nozimangga, Ko‘zi suzuk nigorim! * * * Besabab yoringni o‘ltirmoq, nachuk? Men vafodoringni o‘ltirmoq, nachuk? Farz qilding garchi dushmanman senga, Bunchalar, bas, xor o‘ltirmoq, nachuk? Voy, hazar aylab meni devonadin, Bu dili zoringni o‘ltirmoq, nachuk? Kuyi vaslingni itidur bu g‘arib, Telba-yu zoringni o‘ltirmoq, nachuk? Telmurub bo‘ldi nigoron ko‘zlarim, Chashmi xunboringni o‘ltirmoq, nachuk? Dam-badam vasfing tilimda, ey pari, O‘z duogo‘yingni o‘ltirmoq, nachuk? Vasli ummidingda yurgay Nozima, Bas, vafodoringni o‘ltirmoq, nachuk? * * * Ko‘rguzub nozik jamolin mastu hayron ayladyu,, O‘zi gul sayrig‘a ketti, bizni bog‘bon ayladi. Ochilib gul g‘unchadek o‘t soldi jonu jismima, Bir tarahhum qilmayin olamg‘a doston ayladi. Ko‘rgach, ul xurshid yuzin o‘tlar tutashdi jonima,. So‘ldurub umrim gulin, baxtimni vayron ayladi. Yuz jamoli sham’iga parvona bo‘ldim o‘rtanib, Bilmadi holim hanuz, ag‘yora paymon ayladi. Misli bulbul gul yuzin shavqida aylarman navo,, Lek eshitmay bir yo‘li ko‘zimni giryon ayladi. Har kecha ul oy firoqida chekarman ohlar, Bir tabassum qilmayin holim parishon ayladi. Mayli, shirin til bila derman kamoli vasfini, Nozima, garchi seni bag‘ringni biryon ayladi. * * * Ichmadim sharbat hayotim chashmasidin bir qonib, Davr jabridin, netaykim, jism ila jonim yonib. Xalq dermishlar meni bu yurt aro «ko‘b fozila», Lek yurmushman hamisha darbadar, majruhbo‘lib. Shuncha axtardim jahonni, baxt nedur, topmadim, Sarsari devona yanglig‘ hosil umrim sarg‘arib. Men desam adlu diyonat lafzini hokimlara, Quvdilar, Majnun debon, hech yerda qo‘ymay bu g‘arib, Bo‘lmadim hamdam vale ul fosiqu kazzobg‘a, El taloshin aylabon har sori o‘zni yetkarib. Dil uyi ranju jafodin bo‘ldi oxir rez-rez, Qayg‘a borsam o‘rtanurman dam-badam qonlar yutnb, Hech odam bormukin Nozima yanglig‘ daxr aro, Ichmagan sharbat hayoti chashmasidin bir qonib. * * * Vah-vahki, men ham bir jismi bejon? Kim nogah, anga yetushdi bir jon. Vah-vahki, man ham go‘yoki Xizri, Kim, anga yo‘luqti obi hayvon. Vah-vahki, man ham bir dardli bemor», Xotifdin yetushdi anga darmon. Vah-vahki, man ham shikasta Ya’qub, Kim, bo‘ldi visoli xo‘bi Kan’on. Vah-vahki, man ham bir mo‘ri pomol,, Kim, berdi nigin anga Sulaymon. Ey Nozima, bas, shukrona qilg‘il,, Mehru visola aylandi hijron. * * * Qizil gul, bog‘u bo‘stonim qayonsan? Fidodur senga bu jonim, qayonsan? Qaroru sabru oromim tugandi, Ushalmay qolgan armonim, qayonsan? Erib jonu jahonim, qoldi jismim, Zaif holimg‘a darmonim, qayonsan: G‘amu dardlarg‘a darmonlar yitildi, Yo‘qolgan tig‘i xunxorim, qayonsan? Agar yotsam o‘lub tuproq ichinda, Topilmas ahdu paymonim, qayonsan? Hama oshiqlar o‘ldi yuz gadoying, Yuzi gul, sunbul afshonim, qayonsan? Kelubtur eshikingga Nozimang, hay, Sevintir oni, sultonim, qayonsan? O‘QING RUS ZABONINI O‘qing rusi zabonin, el aro bu yaxshi xislatdur, Zaboni bezabon bo‘lmoq, biling, bu koni illatdur, Bilay desang zamon ichra haqiqiy sirri hikmatni, Yo‘q et mulki vujudingdin fasodu kulli bid’atni, Hamma ilmu aqoid rus zaboninda muhayyodur, Agar o‘qsang ani chashm oldida olam surayyodur. Tamomi ilmi hikmat ham riyoziyot, falakiyot, Etilmushdur bayoni bu zaboni ila ki tibbiyot, Jahonning turli g‘avg‘osi, yangi ko‘p hodisoti ham,. Lisoni rusiyo birla o‘qur oni jami odam. Agar uqmay ketarsan bu zabonni, chashm erur ro‘yo, O‘tursan benasib xurshid ziyosidin ro‘siyo(h). O‘qubsan, Nozima, rusi zabonin, senga xislatdur, Zaboni bezabon bo‘lmoq, biling, bu koni ofatdur. * * * Keldi ayyomi bahor, olam gulistondur bu kun, Lolalar ochildi, sahro bog‘u bo‘stondur bu kun. Jahr-zikru xonaqahdin yuz yugirmoq vaqtidur, Dahrning zavqi safosi bizga mehmondur bu kun. Etti Navro‘z gul-chaman husni rasolar husnini, Ishqida dil bulbuli behud mastondur bu kun. Boq, niqob oldi yuzidin sarv bo‘yluk yorlar, Lazzati la’li labi, vah, menga armondur bu kun. Rang-barang oqu qizil ko‘ylak kiyib dildorlar, Oshiqi ma’shuqqa boqib, mastu hayrondur bu kun. Nozaninlar noz birla zeb-ziynatlar taqib, Sunbuli zulflar parishon, rayhon namoyondur bu kun. Bo‘lsam erdi yor birla hamnafas Navro‘z tuni, Qilmadi arzim qabul, holim parishondur bu kun. Nozima, nazming bila madh et bahor ayyomini, Gar falak kajravligidin yurt vayrondur bu kun. 1900. MURABBA (Mehri Xotun*ga tatabbu) Ko‘rmadim hargiz karam, ey bevafo dildor, hay, Bo‘lmading bir kun bu sargardon ila yor, hay, Aylading jabring-la olamda mani bezor, hay, Ey jafojo‘ yor, sandin doda keldim, dod, hay! San qachon bir dam mani hajringda bemor etmading, Rahm etub bir kun mani lutfing-la xummor etmading, Muddiyni so‘ziga uchding, mani yor etmading, Ey jafojo‘ yor, sandin doda keldim; dod, hay! Gulshani husning aro ishqing-la nolon ayladim, To‘kmayin bir gunchaga bu rangin afg‘on ayladim, Oxiri xori jafo-la bag‘rimi qon ayladim, Ey jafojo‘ yor, sandin doda keldim, dod, hay! Bording ag‘yori, manim-la bir nafas yor o‘lmading, Yo‘lingga necha zamondur jon berdim, bilmading, Bu alamkash Nozima boshiga nelar solmading, Ey jafojo‘ yor, sandin doda keldim, dod, hay!
| |
| Просмотров: 1312 | |
