Sayyodiy (XVII asr)
Sayyodiy, Sayyodiy o‘g‘li, Sayyodiy o‘g‘li Xarobiy (taxalluslari; ismi Sayyid Muhammad) (17-asrning 2-yarmi, Balx yaqinidagi Xayrobod qishlog‘i) — shoir. Ovchi (sayyod) oilasida tug‘ilgan, o‘zi ham shu kasb bilan shug‘ullangan. Shoirning ayrim she’rlari hamda «Tohir va Zuhra» dostonigina yetib kelgan. Dostonda xalq og‘zaki ijodida keng tarqalgan syujet yozma adabiyot an’analari asosida bayon qilingan. Unda haqiqiy muhabbat va insoniylik kuylangan, zo‘rlik va adolatsizlik qoralangan. Dostonga 50 dan ortiq g‘azal shaklidagi she’riy parchalar kiritilgan. Doston asosida musiqali drama (1938, Sobir Abdulla) va kinofilm (1950) yaratilgan. QIT'ALAR O’shal farzand birla shod bo‘lg‘ay, Bori qayg‘usidin ozod bo‘lg‘ay. * * * Ko‘ngul sevganlariga lutf etgay, Sevmaganlar jahannamga ketgay. * * * Oshiq ersang, kech bu shondin, alvido, Jonu dildin, xonu mondin, alvido. * * * Agar bo‘lsang visolin gadoyi, Muyassar bo‘lsa, bo‘lmag‘il judoyi. * * * Bu ishq savdosining poyoni bo‘lmas, Agar oshiq o‘lar, tovoni bo‘lmas. * * * Kecha-kunduz tilaydurman xudoyimdan saodatni, Ki daf aylab tama’ utin o‘zi bergay qanoatni. * * * Obu otashu bodu tok bo‘ldi, Har kim tanida chu pok bo‘ldi. * * * G’animat tutmadi g‘ofil, chu o‘tkardi hayotini, Vale qilmadiki joniga bir zarra najotini. Ki yig‘di bu jahonning muncha asbob-olotini, Bu moldin zarra xayr aylab, chu bermadi zakotini, Sayyodiykim, bu ishlarni suvi yo‘q anhore kurdim.
| |
| Просмотров: 1053 | |
