Payız duyğuları
Sozalar baharın baxışı-günəş Gözündən qəriblik süzülüb gedər. Bir əlçim yarpaqlar bir işım günəş Budaqdan əlləri üzülüb gedər. İpək kövşənləri darayıb payız Göndərər günəşə hörük yerinə. Dünyanın qızılı sarayı payız Kövrələr közərən çəmənlərinə. Ağaclar həsrətdən uçunan ürək Eşğini soyunar soyuğun altda. Saralmış yarpaqlar yaralı quş tək Qışqırıb bayılar ayağın altda. Nişanlı qız kimi üzülən payız Təsəlli axtarar pıçıltılarda. Xınalı örpəyi süzülən payız Sökülüb, tökülüb axar sularda. Yarpaqlar yaşanmış günlərimdimi?! Atılıb arzuları qışın qarında, Bahara üz tutan durnalar kimi Aparar payızı qanadlarında. Göy otlar çıxammaz vədə yerinə Xəzəllər çəmənə sırınar indi. Boylanıb buğlanan kəltənlərinə Payız toxumlardan bar umar indi. Açıb qucağını qışın qarına Zəmilər bir düzən bar götürərlər. Yuxulu dağlardan yorğun arana Maşınlar çiynyndə qar gətirərlər. Köksünü yağışa gərər bu torpaq Payız otlarından batar,barınar. Son dəfə nəfəsin dərər bu torpaq Döşənər ilk qarın ayaqlarına. Payızı gözlə Deyirdin , darıxma , payızı gözlə Bu da payız , gəldi… duyğulu payız. Ürəyi sebgiyilə , dodağı sözlə Könlü xatirəylə dop-dolu payız . Çiskin yağış yağır hey aram-aram Dolur hər acının yeri dünyada. Deyirdim mən sənsiz yaşayammaram Sənsiz dözəmmərəm diri – dünyada. Arabir oyadıb xatirələri Könlümə qəfləti qonaq gəlirsən. Bir anda adlayıb kəndi, şəhəri Bəzən vaxtlı, bəzən bivaxt gəlirsən. Elə bil geriyə fırlanır zaman O xoşbəxt , qayğısız günə dönürəm. Ömrün bir qərinə uzaqlığından Sənli günlərimə , sənə dönürəm. Birdən lent qırılır , dayanır zaman… Dolu duyğuların bahar çağından Payız otağıma yenə dönürəm. Ey xəyal dünyamın gizli qonağı Görən sən də məni düşünürmüsən? Dolub , duyğulanıb bir payız çağı Çılpaq ağac kimi üşüyürmüsən?. Payızda Məhəbbət çiçəyə bükülər Yarpaqlar həsrətimi, tökülər Göylərin ilməsi sökülər Buludlar çözülər payızda Ürəklər nəzilər payızda. Dağların ətəyi qızılı Çayların örpəyi qızılı Bağların bəzəyi-qızılı Yolları naxışlar payızda. Doluxar baxışlar payızda. Yamyaşıl çəmənlər közərdi Təbiət bəzənmiş gözəldi Bağların şabaşı xəzəldi Toylara tökülər payızda İntizar çəkilər payızda. Payız notları. Aləmi çulğayıb kədərli bir rəng Durnalar qatara düzülüb gedir. Qəlbimi sızlıadır bu qərib ahəng Baharın sozalan baxışı günəş Gözündən qəriblik süzülüb gedir. Yadıma ilk eşqin vidası düşür Günlər durnaların lələyidimi? Məktubun nə yaman solub, bürüşüb Payızın qocalan yarpağı kimi. Sənsiz duyğulara ölübmü deyim? Arzular anasız uşağa dönüb. Dünyaya sığmayan dünya-ürəyim İndi yumryq boyda yumağa dönüb. Səni unutmayıb o cığır, o iz Çiçəklər yoluna döşənibdilər. Yollar kor ilana dönübdü sənsiz Ulduzlu gecələr üşənibdilər. Həyatda düyünlü hikmətə baxın Məhəbbət ürəyə düyün, dağ imiş Qəlbimiz səninlə yaxından yaxın Adımız nə uzaq, nə uzaq imiş.
| |
| Просмотров: 1036 | |
