Dil qəmi
Ürəyindən odmu düşüb o saza Sızıldayır sızım-sızım "Dilqəmi”. Korun-korun tüstüləyən avaza Gilə-gilə kədər sızıb – dil qəmi. Qəm sinədə binə tutub, qarıyıb Telli sazın sındırar o tilsimi. Bir aşiqin sevilməzlik harayı Soraqlayar itik düşən sevgimi. "Dilqəmi”nin odu, közü soyumaz Sinən üstə ocaq çatıb o yanar. Bu yanğından telli sazın uyumaz Bu yanğından ulu həsrət oyanar. Sazın qəmə gücü çatmır, ay aşıq, Dilim-dilim alovlanır pərdə, sim. Bu yanğıdan mənə göndər azacıq Qəm bükülü xatirələr göyərsin.
| |
| Просмотров: 916 | |
