Gəldin bu dünyaya … doğuldun
Əvvəl ürəyimdə bəslədim , böyütdüm səni , sonra ürəyimin altında. Nə vaxt qımıldanmağa başladın , Nə vaxt ürəyimin döyüntüsünə qarışıb vurmağa başladı ürəyin canımın hansı qatında nə sənin yadındadı , nə mənim yadımda. Kiçicik əllərinlə boşluqlardan tuta-yuta qışqıra-qışqıra gəldin həyata. ciyərlərinə çəkdin Havanı doya-doya. Hökmlə çığırdın varlığını elan elədin hamıya. Bir , iki , üç düyün… İkicə barrmağın hərəkətiylə səni mənə bağlayan bağı kəsdilər o gün. Mənim bir parçam idin sığmadın dünyamın eninə boyuna. İçindəki işığın tələsinə düşdün atıldın həyat adlı oyuna. Xoş gəldin dünyaya ,doğuldun. Mənim bir parçam idin dünyanın bir parçası oldun. Sonra da qoynuma aldım ,nəhayət Sonra da qollarım beşıyın oldu. Yuxusuz gecələr yuxulu , yorğun Sonra da böyüdün …sözə nə hacət, Sonra da hey sənin dediyin oldu. Gəldin bu dünyaya… öz taleyinə Ağa olacaqsan , kölə bilmirəm. Mənim övladımsan , qoca dünyanın Nəyi olacaqsan… hələ bilmirəm.
| |
| Просмотров: 815 | |
