Darıxıb , darıxıb öləcəm axır…
Pəncərə önündə boynu bükülü Yollara boylanır qəmim,gileyim. Yola da tərs kimi kədər tökülüb Baxıram, qorxuram dözə bilməyim. Bu ağaran yollar ümiddi hələ Baxıram gözümün kökü saralır. Qayıt, bu yolları sevincə bələ Qayıt, axşam düşür, hava qaralır. Yığılıb başıma xatirələrin Ümid soraqlayır, təsəlli umur. Üşüyür qəlbimdə boş qalan yerin Üşüyür kədərin, sənsiz uyumur. Həsrətin asılıb kipriklərimdən Ürəyim yatmayır ipə, ilməyə. Yapışma qəlbimin kövrək yerindən Qorxuram, qorxuram dözə bilməyəm. Başımdan həsrətin tüstüsü qalxır Qəlbimdə közərən eşqim qalacaq. Darıxıb-darıxıb öləcəm axır Qəmim bu dünyada yetim qalacaq.
| |
| Просмотров: 872 | |
