Baharam
Qırçın-qırçın zəmilərim bin-bərəkət süfrəsidir. Mən baharam! Hər axşamım, hər səhərim ömrün, günün Nəşəsidir , müjdəsidir. Nurlu günəş başım üstə çətir olar Sünbüllərim saçaq-saçaq, Puçurlarım yarpaq-yarpaq, budaq-budaq, Dünya dolu qucaq-qucaq Xoş rayihə, ətir olar. Gözəllikdi baxsan hara Könül deyir:- Gəl sevincdən qanad açaq Gəl qoşulaq ilk bahara, Gəl qoşulaq biz də qərib durnalara, Gəl Şuşaya, Xocalıya, gəl Laçına sarı uçaq, Gəl Tərtərə, Kəlbəcərə, gəl Xaçına sarı uçaq. Gəlin gedək mamırlayan ocaq daşın sevindirək, Gəlin gedək qəribsəyən bulaq başın sevindirək. Gözləri yollarda qalan dağı-daşı yada salaq Yurdlara gözətçi qalan, əlləri daş altda olan Yar, yoldaşı yada salaq. Bir gün zəfər müjdəsiylə Biz sizə dönərik deyək, Bir Koroğlu nərəsiylə Düşməni yenərik deyək. O yurdları biz təzədən şən elərik. O gün bir düyün elərik! Dostlar , əsil toy-düyünü Deyirəm o gün elərik!
| |
| Просмотров: 909 | |
