Barışan deyil
Qoy baxım arxanca etibarsız yar, Apar gözlərimi,özünlə apar. Bircə ürəyimi geriyə qaytar, O ürək səninlə barışan deyil. Bu gediş yandırıb məni yaxsa da, Qəlbimi ayrılıq,həsrət sıxsa da, Gözümün yaşları sel tək axsa da Könlüm bu sevdaya alışan deyil. Sən idin sevgilim,sən idin bircə, Sənsiz necə dözüm,sənsiz mən necə?! Gecəm gündüz olub,gündüzüm gecə Sənsiz ulduzlar da sayrışan deyil. Düşdü məhəbbətim dumana,çənə Həsrətlə boylandım hər ötən günə. Bilmədim o gözlər nə dedi mənə Yaxşı ki,baxışlar danışan deyil. Gəldimi dünyanın sonu,bilmədim Kİm geydi yalandan donu,bilmədim Daşdırmı ürəyim,onu bilmədim Daha şirin-şirin söz qoşan deyil.
| |
| Просмотров: 862 | |
