Bir gəmi var kapitansız
Bir gəmi var kapitansız. Tənha üzər dənizlərdə. Qonaqları qağayılar, üzüb keçən akulalar. Gəmiyə vuran o dalğalar aparır nagüman səmtə. Qəmgin bayraq altında o yer dəyişər dənizlərdə. Arzu tutar, ümid tapar ulduzların guşəsində. Bir gəmi var kapitansız qəm dolu su hövzəsində. Dəfələrlə üzə-üzə fırtınaya rast gəlibdir. Zavallı və tənha gəmi sinə gərib, güc gəlibdir. Fəryadını dalğalara, sevgisini buludlara anladaraq bəhs edibdir. Kapitansız üzən gəmi çox dənizlər fəth edibdir. O qaçıbdır oralardan - Qan ağlayan limanlardan. Azad, tənha üzür gəmi. Kənar gəzir insanlardan. İnsan adlı yalanlardan. Xatırlamır olanları, keçmişində qalanları. Bir dəfəlik unudubdur kimlərəsə qul olmağı. İndi azad üzür gəmi kapitansız dəryaları.
| |
| Просмотров: 939 | |
