Bir kölgəsi
Bilsən mənə nələr deyir, Keçib gedər kədər, — deyir. Yeni bir eşq gələr deyir, Nələr, nələr, nələr deyir - bir özgəsi. Məni heç vaxt duymayan yar, Mənə bir gül qıymayan yar, Nə biləsən, məni gülə Qərq etməkdən doymayan var - bir özgəsi. Dərdimdən od tutub yanır, Bütün gözəlləri danır, Alışarsan, odlanarsan, Bilsən məni mələk sanır - bir özgəsi. Məndən ayrı qala bilmir, Mənsiz deyib-gülə bilmir. Ah, nə edim, necə deyim, Ürəyimi ala bilmir - bir özgəsi.
| |
| Просмотров: 900 | |
